بيروت - لبنان 2019/09/18 م الموافق 1441/01/18 هـ

الأب علاوي يطلق صرخة الفقراء

حجم الخط

الاب مجدي علاوي يطلق صرخة الفقراء والمتألمين والبؤساء، راجيًا اعادة الكهرباء الى فرن الفقراء الذي يطعم الجياع والمعوزين....
صرخة فقراء موجّهة الى ترف المسؤولين المجردين من الرحمة....
يطلب الرحمة واعادة الكهرباء الذي فوجئ بقطعها. نناشد المسؤولين وخصوصًا وزيرة الطاقة والمياه "ندى البستاني التدخّل شخصيًا.
هذا النص الحرفي للاب مجدي علاوي خادم جمعية سعادة السماء:
قطعولنا الكهربا بفرن الفقرا...
قطعولنا الكهربا عن ٦٠٠ ولد بيقصدو الفرن تبعنا حتى ياكلو منقوشة الصبح لأنو ما معن ياكلو...
قطعولنا الكهربا عن فرن بيطعمي ١٢٠ ختيار بدن ياخدو الدوا... ومجبورين ياكلو قبل الدوا...
نعم، بدل ما هني يطعمو الفقرا... قطعولنا الكهربا...
اعتبرو هالفرن ممتلكات خاصة لشي نايب او وزير... اعتبروه حفلة خاصة... اعتبروه عرس من أعراسكن الفاخرة الفاحشة...
اليوم قطعتو الكهربا... وكل اغراضنا راحت للكَب... وأنا وعم كبُّن... عم فكر فيكن واحد واحد... عم فكر بفواتير الكهربا يلي بمناطق معينة ما بتندفع... عم فكر بولادي الواقفين ناطرين ياكلو عالباب...
نحنا بزمن الإقطاع... بزمن الفساد... بزمن الفجور السياسي... جايي يوم الدينونة والحساب... وهناك البكاء وصريف الأسنان...
صدقوني... ولادي والختيارية عباب الفرن... مش قادر خبّرن إنو دولتي قطعت الكهربا... يا ويلكن من دعوة الفقير... يا ويلكن...
وأحلى شي حاطين رقم تلفون وخط ساخن... عم ندق عليه ما حدا بيرد... أبدعتو بالنفاق... أبدعتو...


أخبار ذات صلة

ارسم "Q" على جبينك.. هل أنت كاذبٌ بارع؟
قوى الامن: مفرزة سير بيروت الاولى تحجز عدداً من الفانات [...]
بعد كلام جبق.. غضب على "تويتر" بسبب محمد ريما