يا ريت فينا ننسى حكامنا وظلم الديمقراطية ...

يا ريت والأحلى هم ينسونا وينسوا الشعب اللبناني ...

ما همنا مين سيستلم وزارة المال طالما مصاري الشعب محجوزة ... والأسعار مصدومة ..

ما همنا من سيدير البلد طالما البلد دويلات وأحلام مسروقة ..

يا ريت فينا نخبي الفرح ... وننثر أحلامنا على دروب خيباتنا في بلد امتهن مهنة التخويف ورمي الاشاعات.. 

يا ريت الشعب الصالح بيحكم حاله ...

ما همنا من سيدير البلد طالما لم  يعد هناك بلد ..

فالوضع الصحي مضروب والسياحة مخطوفة والمال مسروق والتربية تحتضن كل الشتائم على الحيطان ومواقع التواصل والاخلاق في فلتان والأمن يهرول من مكان الى لا مكان والشعور بالامان مفقود ... وماذا سيهمس القلب الحزين والأماكن تنادي ... يا ريت فينا نشكل وطن في بقعة ضوء منسية يا ريت حكام البلد .... ينسونا ... يا ريت الوطن يطلب استرجاع كيان الانسان ويقظة ضمير .. ووقفة عز منسية ... 

صغرت الأماكن وكبرنا ....كبر الوجع .... وحزن الوطن ...

ماجت الأحلام وسرقت الأمنيات وبعدهم عمّ يطالبوا .... 

يا ريت فينا نخبي الفرح في جيبة الأحلام ... ونترك وطن ... أصبح أوطان ...