بيروت - لبنان 2020/12/05 م الموافق 1442/04/19 هـ

فجّروا بيروت!

حجم الخط

جالسة على شرفة المنزل.. وحولها مجموعة من الألعاب.. تُخاطب الأولى وكأنّها «إنسيّة تسعى».. وتتحادث مع الثانية وكأنّها أيضاً مخلوقة من لحم ودم.. وإذ بسربٍ من الحمام يطير في الجوار.. فلفت انتباهها انتظامه وطيرانه وفق أُسُسٍ وقواعد.. فتركت ألعابها وناحيتي في غرفة الجلوس مضت تسأل: «بابا نحن ليه مش هيك متل الحمامات كلو نظام؟!»..

استغربتُ سؤالها.. وبادلتها السؤال بسؤال: «شو قصدك يا بابا بـ نحن؟..  وشو يعني نظام؟.. إنت بتعرفي شو معنى هالكلمة؟!».. فابتسمت إبنة السنوات الخمس ابتسامة صفراء.. وقالت: «أنا ما بقى زغيري يا بابا.. صار عمري 5 سنين وبعرف كل شي»..

جوابها الاعتراضي.. أثار فضولي أكثر من سؤالها الأساسي.. فعاجلتها قائلا:»هيتي لشوف شو بتعرفي؟!».. فامتعضَتْ وقالت: «أوف يا بابا قلتلك أنا منّي زغيري حتى تحكيني هيك.. طيّب جابوني على شو سألتك»..

فما كان منّي إلا أنْ استرجعتُ سؤالها في بالي وقلتْ: «شوفي يا بابا لبنان بلد كل عمره فوضى.. لبنان بلد كل حدا بحبّه على ذوقه.. ومتل ما بيشوف مصلحته.. كرمال هيك نحن بلد فوضى وبعمره هالشعب ما حب النظام».. فابتسمت وقالت: «إي إي كرمال هيك في كتير عمّو على الطريق ما بيوقفوا على الإشارة الحمرا لما تكون السيارات بالطريق.. وكرمال هيك عملت إنتَ حادث لأنّ عمو الشرير ضرب سيارتنا لأنّ ما عنده نظام»..

فما كان جوابي إلا تأكيداً على رأيها.. وإذا بها تفتخر بذاتها وتقول: «شفت يا بابا مش أنا قلتلك إنّي بعرف كل شي.. حتى النحلات والنملات عندن ملكة النحل وملكة النمل.. إلا نحن الناس ما منحب إلا نخرّب.. لأنّه هيك إجو الشريرين وفجّروا بيروت»!!


أخبار ذات صلة

إعلام كردي: غارات جوية تركية في محيط قريتين بمحافظة دهوك [...]
بوتين: روسيا أنتجت ما يقرب من مليوني جرعة من "سبتونيك [...]
إيران تعلن تجاوز عدد ضحايا وباء فيروس كورونا 50 ألفا [...]