بيروت - لبنان 2021/04/11 م الموافق 1442/08/28 هـ

أنا واللحام.. حكاية غرام بالمنام

حجم الخط

كيلو اللحمة بـ 45 الف، بطل يا حبيبي اذا بتقرب من حد الملحمة، أساسا ليش فيك بعد تحكي معو للحام، بدك موعد وواسطة حتى تروح لعنده، واذا رحت لعندو وعطف عليك واستقبلك حيكون شعارك "شم ولا تدوق".

مبارح ومن بعد مجهود كبير، تشرفت بزيارة حبيب القلب بملحمته وسألته عن الأسعار، واكتفيت بالتقاط "سلفي" ولحم البقر خلفي، ما قدرت اشتري، كان الي الشرف صافح ذاك الرجل الكبير.

من زمان كنا نفوت عالملحمة نطلب من اللحام بـ 5 الاف لحمة كان يستقبلنا كالفاتحين، يبتسم بوجهنا ومايخلي اهلا وسهلا فينا، وعشوي يشربنا قهوة، ويعزمنا عالغدا.

اما اليوم ان طلبنا منه بـ 5 الاف لحمة يـتأمل فينا مطولا وبيرمينا بعبسة بوجهنا وللحظة منشعر وكأنه عميستعد لدبحنا بدل دبح الخاروف.

رزق الله على ايامك يا لحمة، وعلى أيام الخاروف والبقر وسوق القصابين، هيدا الزمن انتهى الى غير رجعة، انتهى لأن كل واحد منا صار متل خاروف بـ "دولة اللحامين".



أخبار ذات صلة

أفاد مندوب "الوكالة الوطنية للاعلام" أن محطات المحروقات في منطقة [...]
"جيروزاليم بوست": الحادث في منشأة نطنز الإيرانية كبير جداً
بلينكن لشبكة NBC: هناك مجالات للتوافق مع روسيا كما هو [...]