بيروت - لبنان 2021/04/11 م الموافق 1442/08/28 هـ

أي لقاء..نحنا عمنغرق نغرق نغرق

حجم الخط

أصحاب المعالي والسيادة والسعادة والتعاسة، عميلتهيوا اذا بشاركوا بلقاء او مابشاركوا، ومين المسؤول ومين اللي مش مسؤول، والناس غرقانة وما عندها أبسط مقومات الحياة، وكل هم البعض الحق على مين او مع مين.

الناس قرفتكن كلكن، الناس آخر همها الوفاق الوطني، لأن أثبت انو نفاق وطني، الناس بدها حل للمشاكل المالية، بدها أبسط حقها بالحياة الكريمة، الناس بدها منكن ترًجعوا المال اللي نهبتوه، الناس بدها حقوقها اللي ضيعتوها، الناس بدها لمبة تكون عمتضوي بالبيت، الناس بدها تفتح حنفية تنزل ماي ماتكون قطعة أنتيكا، الناس بدها أمان وازدهار.

بتعرفوا انو الشعب مابقى يعنيلو مؤتمر صحافي لزعيم، ولا شو بتقول المصادر المطلعة لسياسي، ولا لقاء مجموعة حزبية، الشعب حاليا عميغرق ومش شايف شي، الشعب بدوا يرجع لحياة فيها حياة، ومابقى يعنيلوا مشاهدكن الاستعراضية.



أخبار ذات صلة

الطبش: خرق الدستور يتم على يد من اؤتمن على حمايته
‏روسيا: إصدار براءة اختراع لدواء ضد عدوى كورونا
خير الدين لـmtv: حاكم مصرف لبنان رياض سلامة هو صمّام [...]