بيروت - لبنان 2020/04/05 م الموافق 1441/08/11 هـ

إم كورونا.. عـ إم اللي جابها

حجم الخط

بعيد الأم، الله لا يعطيك العافية يا ام كورونا على هالخلفة، والله اللي عملتوا بنتك فينا ما صار لا معنا ولا مع أهلنا ولا جدودنا، ولك بيكفي زربة البيت، والشمشطة عالمستشفيات، بسبب بنتك صرنا أرقام، وكأننا عاملين امتحان وناطرين نتائج الفحص.

بنتك لعبت بقذارة يا ام كورونا على غرائزنا المذهبية والطائفية، رغم انو الوجع منها وحدنا، بس فوتتنا بالحيط، حتى بالكورونا صار في "باب أول وباب تاني"، أطفالنا بطلوا يعرفوا المدرسة، والمؤمن منعته يروح عالكنيسة وعالجامع.

ضبي بنتك عالسريع، حاج "دايرة على حل شعرها" من دولة لدولة، عالقليلي قوليلها تترك لبنان اللي فينا مكفينا، ملينا كمامات وسبيرتو، ونصايح "خليك بالبيت" و"لا داعي للهلع"، ومحاضرات عن طرق الوقاية.

يا كورونا ويا ام كورونا، ما تجربوا معنا، ابليس حاول قبلكن ورفع العشرة.



أخبار ذات صلة

العراق يسجل إصابات جديدة بكورونا.. بين 4 محافظات
بري بمناسبة عيد الشعانين: نأمل ان تكون المناسبة بداية نهاية [...]
بعد التعميمين الأخيرين لسلامة.. كيف علقت جمعية المصارف؟