بيروت - لبنان 2020/09/20 م الموافق 1442/02/02 هـ

اتيكيت.. هيك منتظاهر و"منشخر"

حجم الخط

حتى بالتظاهر والثورة والغضب والوجع ...عند اللبناني في اصول واتيكيت...يعني ياعمري الـ "اخ" اللي بدك تقولها انت وعمتنوجع لازم تكون معبرة والا الناس بتحكي عليك.

انت وعمتخاف على وطنك لازم تعرف كيف تبدي خوفك..الناس عيونها عليك ياسندي...لازم يقولوا عنك "خويف كلاس".

انت وعمتصرخ "الشعب يريد اسقاط النظام" لازم تغنج كل الحروف...حتى بس يشفوك عالتلفزيون يقولوا "العين تحرسك يا احلى ثورجي".

انت وعمتقول "بحبك يا لبنان" دمع شوي هيك بقولوا "يسلملي الوطنجي الحنون".

بس بدك تسب شي زعيم ماتنسى "تطلع عيونك لفوق" هيك بصير الزعيم يرتعب ويخاف ويمكن يسميك وزير تيتجنب شرك، ومن بعد ماتصير وزير "الله بيعلم لوين بتوصل".

واخيرا اذا بدك ترمي فرقاع او تتخطى سياج "مرق اجر قبل اجر"، هيك بقولوا شو "هالمناضل الرهيب".

اتذكر انك انت لبناني، وكل شي بدو اتيكيت، حتى شخيرك اذا مش قريب لمعزوفة لباخ...ببخو عليك سم، ويمكن نسوان البناية هني ومرتك، يحللوا شخيرك تحليل "جيو نسائي"، عفوا سياسي، وساعتها بدك تتعلم "اتيكيت القبر"، يا كبير.



أخبار ذات صلة

انطلاقة مخيبة لمانشستر يونايتد وبيل الى توتنهام بالاعارة
المسماري: نأسف لتجاهل الأمم المتحدة الاتفاق الذي تم التوصل إليه [...]
المسماري: الميليشيات كانت تسعى إلى إعادة تصدير النفط لصالح بنك [...]