نحنا المواطنين المحلولين والمحللين والمحلول بهم والمحلل تعذيبهم ببلدهم منوقف مندهشين بس نشوف السياسيين اللي عنا اديش هني باردين هني وعمبفتشولنا على حل.
صدقوني اذا نواياكن صافية حل مشاكلنا اسهل من حل شبكة كلمات متقاطعة.
الحل انو تحلو عن هالبلد اللي حلحلتو بحلولكن المحلل بها.
الحل انو توقفوا حلب البقرة اللي نشفت وما بقى فيها شي.
الحل تضبوا تيابكن وتحملوا الشنط وتسافروا وتتركوا للناس الطيبة ترسم وطن مختلف عن رسمتكن.
الحل بلا ماترفعوا شعارات وتكذبوا عالناس ترفعوا الاصابع ال 10 وتقلولن سامحونا قدرنا نعملكن طوائف ومزارع بس ماقدرنا نعملكن وطن.