بيروت - لبنان 2021/04/11 م الموافق 1442/08/28 هـ

الثورة.. من مطرح ما بدكن بتولد "بس ارحمونا"

حجم الخط

ما كان ناقص اللبناني الا يلتهي بكلمات اغنية، كأنو ما عنا شي وما نقصنا شي، الا نعرف الثورة من وين بتولد، وكيف بتولد، وليش بتولد، والله تعبتونا.

بس الاغنية تكون من كلمات نزار قباني وغناء ماجدة رومي، بتبقى الكلمات الأروع، كلمات ليست كالكلمات، وبغض النظر اذا صار في تلاعب او ما صار في تلاعب، بلا ما نلتهي بالشكليات ونترك الأساسيات.

الثورة، اكيد رح تولد، من وجعنا، وخيبتنا، وبؤسنا، وقدرنا بهالوطن اللي كل شي فيه بوجع، الثورة ما ممكن يخمدها اجراء زعيم او رئيس او وزير او نائب، ومهما الطائفية فرقتنا، رح يجي يوم الثورة تجمعنا.

من رحم أحزاننا، نعم رح تولد الثورة، هيي جواتنا عمتحركنا، مع كل قطع للكهربا، مع كل نفايات عمتتجمع بشوارعنا، مع كل سلعة عميرتفع سعرها، مع كل مريض عمبموت على باب المستشفى، مع كل طفل مش عمبلاقي مدرسة تيدرس فيها، مع كل عامل عمينفصل من شغلو.

ما تخافوا، الثورة مش كلمات اغنية، الثورة "راجعة بأذن الله"، حتى لو حجبنا كلماتها من اغنية، الثورة من مطرح ما بدكن رح تولد، رح تولد، رح تولد.



أخبار ذات صلة

أزمة خبز في الهرمل والبقاع الشمالي
الرئيس اليمني: توجد تضحيات كبيرة لوضع حد لنقل التجربة الإيرانية [...]
الطبش: خرق الدستور يتم على يد من اؤتمن على حمايته