بيروت - لبنان 2021/04/11 م الموافق 1442/08/28 هـ

الكهربا كهربت من كهربتنا

حجم الخط

بس بهالبلد إذا حكينا عن الكهربا بتدخل السياسة، بكل دول العالم "النايمة والفايقة والنص نص"، الكهربا هيي "لمبة بتضوي" موتر بيعطي طاقة، الا بلبنان الكهربا عبارة عن تغريدة، وخطة من عشرة الاف صفحة، ومؤتمر صحافي لصاحب المعالي بيحكي في عن كل شي الا عن الكهربا.

سنوات وعمنسمع عن خطة لعودة التيار الكهربائي الى غرفنا غانما سالما معافى، ضجيج ما بعدوا ضجيج، نقاش حاد بيوصل احيانا لمرحلة التضارب، والمواطن المسكين بعدوا عايش على التقنين و"تك الديجونتر"، واجت كهربة الدولة او ما اجت.

عن جد الكهربا كهربت من كهربتنا، زهقت منا، اللمبة عندي بالبيت عم تقلي يلعنا الساعة اللي جيت فيها على لبنان، عمضل مطفاية، معك حق يا لمبتي العزيزة، الله كريم انطري شوي الا ماتنجح الخطة، وترجعي منورة يا غالية، وكل خطة كهربا وانتوا بألف خير.



أخبار ذات صلة

مساعد وزير الخارجية الإيرانية: لن نوقف حاليا إجراءاتنا بتخصيب اليورانيوم [...]
هيئة الطاقة الذرية الإيرانية: المعلومات الأولية غير كافية للقول إن [...]
النائب المستقيل ميشال معوض: خسر لبنان برحيل الامين وجها من [...]