بيروت - لبنان 2021/04/17 م الموافق 1442/09/05 هـ

الكورونا مش مزحة.. حط الكمامة أحسن ما تقلك الدنيا مع السلامة

حجم الخط

الكورونا عمتتصاعد، لبنان عميتقدم في "سلم الإصابات"، كلو هيدا لأن مش عمنقتنع انو لازم نخفف المحبة والحب والغرام والانتقام لبعض هالفترة، ومانتجمع حد "الأرغيلة" والتنبك والمعسل، وبلالنا الأعراس هالفترة، وخلينا نودع المرحوم بلا ما ينتج عنو مرحوم تاني وتالت.

نحنا اللبنانية بعدنا مفكرين انو الكورونا مزحة او نكتة منحكيها بالصالونات، وانها مادة للمسخرة عبر التواصل الاجتماعي، مننظر للكمامة انها موضة، يامنلبسها اذا بتلبقلنا، او منرميها اذا مش مناسبة لوجهنا، والمعقم كأنو مستحضر تجميل.

لا يا حبيبي اذا انت مافقدت عزيز بسبب الكورونا، شوف الدموع اللي بغير بيوت واللي تغيرت من بعد الكورونا وفقدت احبة، اذا مش مهتم لصحتك، فكر بصحة امك او بيك او مرتك او بنتك او اختك، يا حبيبي الكورونا مرض متل السرطان وهوي اخطر لانك من خلاله بتعدي غيرك، ويمكن غيرك ما يتحمل اللي انت عمتتحملو، ويروح فيها بلحظة تهور ولامبالاة منك.

يا حبيبي عمننصحك وانت قرر، كون أكيد الكورونا مش طبخة ولا شي بسيط، حط الكمامة وغمض عيونك، وانسى كل الدني لفترة، وبس تروح الكورونا اتصرف على كيفك، وعيش حياتك متل ما بدك، منقسملك الكورونا مش مزحة، حط الكمامة أحسن ماتقلك الدنيا مع السلامة.



أخبار ذات صلة

سابقة بتاريخ الدوري اللبناني.. دموع البقّار تقود لقاء التضامن والغازية [...]
تتابع كروية الشهيد نور الدين الجمل الرمضانية..
حسن: مؤشرات مشجعة بإنخفاض نسبة إيجابية الفحوصات