بيروت - لبنان 2021/04/17 م الموافق 1442/09/05 هـ

"بياعة الخبيزة".. اعطينا موعد

حجم الخط

من بعد ما صار لبنان "وطن زراعي"، وصار كل الشعب اللبناني بدو يزرع ويحصد، ويلعب بالتراب و"تزفت ايدو"، صارت نظرتنا لبعض تختلف، يعني الرجال اللي بيحمل شنطة وبيلبس طقم وكرافات ما بقى يعنيلنا، قد تلك المرأة اللي بتقعد عالرصيف، شبه حافية القدمين(بالإذن من كاظم الساهر) وعمبتبيع خبيزة، صارت هيي الاساس من وطن تحول من السياحة والمصارف واللغات، للبطاطا والبندورة والبصل.

بوكرا رح تجربوا تاخدوا موعد منها، ما رح تلاقوا دور.

نعم، مش مهم اذا نحنا رجعنا لورا او ما رجعنا، المهم نحنا صرنا هيك، معايير قيم الامس تغيرت، أشياء كتيرة كنا نخجل نعملها لألف سبب وسبب، مضطرين اليوم نعملها نحنا وساكتين.

ما بقى تخجلوا من الخبيزة، فيكن تعزوا حالكن وتقولوا"ما هيي أطيب من الشاورما والبيتزا"، وموجودة بالأرض ما خصها بطلعات ونزلات الدولار.

نعم، دخلنا الى عصر الخبيزة وأخواتها.. تخبزوا بالأفراح.



أخبار ذات صلة

منسقية المستقبل في عكار: لقاحات كورونا للمسجلين عبر المنسقية
حان الآن موعد آذان المغرب حسب التوقيت المحلي لمدينة بيروت
«هبة الى المؤسسة العسكرية وللشعب اللبناني».. الجيش يتسلّم طائرتين مغربيتين [...]