بيروت - لبنان 2021/04/17 م الموافق 1442/09/05 هـ

ترامب.. ما تخاف كلنا حدك

حجم الخط

لأول مرة بعترف انو "الاخ ترامب" حفظه الله وقدس سره، ابكاني هوي وعم يحكي ودمعته رح تنزل ويوصف الوضع المأسوي في بلاد "العم سام" نتيجة تداعيات الكورونا، وعلى لحظة كنت عمفكر اتواصل مع السياسيين بلبنان والن بلا ما تقدموا 400 الف لكل عيلة محتاجة بلبنان، بعتوهن لترامب لأن الوضع عنده صعب.

اذا اميركا أعظم دولة بالعالم، وعندها اكتر قدرات ومسيطرة عالبشرية، رئيسها حزين وخايف من بوكرا، شو تركنا لبلد متل لبنان، محلوب حلب ومش باقي في شي، ويوميي بتشتي فيه ملفات فساد وسرقة ونهب.

عن جد البشرية عمتعيش بأصعب الظروف، يمكن نحنا اللبنانية بينطبق علينا القول "اللي بشوف مصيبة غيرو بتهون عليه مصيبتو".

منعود لاخونا ترامب ومنقلو، ما تقلق نحنا اللبنانية حدكن، رح نوقف معكن، منتقاسم اللقمة سوا( او اذا بدك قطعة الهمبرغر سوا)، اخ ترامب الدنيا ما خليت، اطلب واتمنى نحنا حدك.



أخبار ذات صلة

وهبه بحث مع وزيرة الثقافة اليونانية في التعاون الثقافي
ضبط شاحنة محملة بالسكر المدعوم بعملية مشتركة بين الجيش اللبناني [...]
خمسة جرحى بإشكال على أفضلية المرور في وادي الجاموس عكار