اعتدت اكتب عن الاشيا الساخرة، وحًول المأساة لفرح وامل وتفاؤل ببوكرا، ولكن اعترف انو اللي حصل في 4 آب 2020،متل ما حصل مع كل لبناني، خليني اتغير كتير، يمكن من بعدها صرت انسان مختلف.

مشهد الرعب، وصراخ الزملا، وهدير العاصفة اللي بيشبه الزلزال،واهتزاز المباني خليني صير "متلت" لفترة من الزمن، متل ما بتلت التلفون وببطل يمشي.

في لحظة شعرت انو مبنى الشغل رح يوقع كلوا عالأرض، فكرت بكل اللي بحبن، الت النهاية قربت، ومشوار الحياة رح يوقف.

اسئلة كتيرة خطرت عبالي، الت بقلبي مين هوي السياسي اللي بدوا كرمالوا نحمل هالمشهد المؤلم والصادم.

اعذروني بعد 4 آب انا انسان مختلف، ما قبلو مش متل ما بعدوا، فليصمت كل السياسيين امام وجع الناس.