بيروت - لبنان 2021/04/11 م الموافق 1442/08/28 هـ

حكومة عالسريع.. الدهشة ثم الدهشة

حجم الخط

يمكن رح ينصاب اللبناني بالدهشة وما يصدق اذا اتشكلت حكومة باسبوعين، تعودنا بلبنان عالمخاض العسير، والولادة اللي كلها عراقيل، والرفض ثم الرفض ثم الرفض، وفجأة من بعد مانوصل للحيط المسدود وتسكر بوجهنا، يجي الفرج سريعا وينزل علينا الوحي ونتفق على كل شي، تماما صبية بتدلع على شاب في بداية التعارف وبعدين بتاخد وجه عليه.

بس هالمرة الوضع مختلف، فالسيد ماكرون دخل بقوة، وزرك الكل، وهددهن بالعقوبات متل ما منهدد الاطفال بالغول اذا ما اكلوا اكلن وما كفوا صحنن، مين بيسترجي يرفض، وكيف رح يتحمل مسؤولية كل شي ممكن يصير فيما بعد.

المهم اللبناني ناطر ومش ناطر، اللبناني يائس ومحبط ومستسلم، ولكنه في نفس الوقت متأمل، لأن امنا الحنون قررت تاخد المبادرة وتغير اللي ما بيتغير، فلا داعي للدهشة.


أخبار ذات صلة

أزمة خبز في الهرمل والبقاع الشمالي
الرئيس اليمني: توجد تضحيات كبيرة لوضع حد لنقل التجربة الإيرانية [...]
الطبش: خرق الدستور يتم على يد من اؤتمن على حمايته