بيروت - لبنان 2021/04/17 م الموافق 1442/09/05 هـ

سيدتي الفاضلة.. "الشغل مش عيب" بس رح يمشي "مرسوم تعيين النواطير"

حجم الخط

يا زوجة دولة الرئيس، اعذرينا يمكن مش عمتشوفي منيح شو صاير مع الناس بالشارع، معك حق انو الشغل مش عيب، ويمكن معك حق انو اللبناني بيتدلع كتير، وطموحه يعمل رئيس ووزير ونائب، ويكون اختصاصي تنظير عالناس وصاحب نصح، وكرمال "بريستيجه" ما بيشتغل شو ما كان، ولكن عنا اليوم يا سيدتي الفاضلة أزمة أكبر بكتير من الكلمات المنمقة والحالمة اللي عمتطريحها.


اليوم اذا لبنانية تخرجت من الجامعة، وقررت تاخد بنصيحتك وتخدم بمنزل عائلة لبنانية، مين هوي اللبناني اليوم اللي قادر يدفع 400 دولار، او بالعملة اللبنانية مليون و200 الف، واذا افترضنا قدرتو تعيينوا نواطير لبنانية، بتضمنيلنا انو مرسوم تعيين النواطير يمرق وما ينكب بشي جارور لأن ما قادر يتناسب مع "المرض اللبناني" اللي اسمو 6و 6 مكرر.


اسمحي لنا سيدتي الفاضلة الواقع بالبلد اكثر تعقيدا من افكارك البريئة، اعملوا للبناني دولة فيها تكافؤ الفرص، وهوي رح يكون تحت حسن ظنكن، اللبناني بدو دولة ما فيها حرامية وعندها بيعمل معجزات.



أخبار ذات صلة

سابقة بتاريخ الدوري اللبناني.. دموع البقّار تقود لقاء التضامن والغازية [...]
تتابع كروية الشهيد نور الدين الجمل الرمضانية..
حسن: مؤشرات مشجعة بإنخفاض نسبة إيجابية الفحوصات