بيروت - لبنان 2021/04/17 م الموافق 1442/09/05 هـ

عمصرخ يا زمان.. وداعا مروان محفوظ

حجم الخط

بس تسمع عن رحيل فنان لبناني كبير، كانت اغنياتو تعبر عن مرحلة من حياتك بتشعر وكأنو "شقفة" من الزمن الجميل غابت بلحظة.

مروان محفوظ من الرعيل الفني القديم اللي حاكى بكلمات اغنياتو مرحلة من تاريخ لبنان.

بس غنى "عمصرخ يا زمان"، اشعرنا بوجع زمن الحرب الأهلية، وبس غنى "ويلا اللي يتحدى ويلا"، جعلنا نوقف وقفة وحدة ونتحدى، وصارت الأغنية أشبه بنشيد، كتار رددوها وما عرفوا انو مروان محفوظ بغنيها.

مروان، وإنت بالعالم الآخر، سامحنا يمكن كنت منسي شوي من ذاكرتنا بالمرحلة السابقة، وهيدي مشكلتنا انو ما منحكي عن الشخص ومنكتب عنو ومنذكر أهم ميزاتو الا بعد رحيلو وغيابو.

مروان وداعا، بس إنت متل كل الكبار بغيبو بالجسد واغنياتن بتبقى الى الأبد، رح تبقى "سهرية" ترافقنا كل يوم، ورح نسافر مع "سفر برلك"، ورحيلك يمكن يكون درس اضافي لإلنا حتى نحافظ على كبارنا قبل رحيلن.

وداعا مروان محفوظ.. "عمصرخ يا زمان" على امل يوصل الصوت لفوق مطرح ما إنت موجود.



أخبار ذات صلة

الخليل: العهد يزداد تعنّتًا.. ويضع شروطًا تعجيزية لتشكيل حكومة إنقاذية
منسقية المستقبل في عكار: لقاحات كورونا للمسجلين عبر المنسقية
حان الآن موعد آذان المغرب حسب التوقيت المحلي لمدينة بيروت