بيروت - لبنان 2021/04/11 م الموافق 1442/08/28 هـ

في عيدك.. سامحني يا بيي

حجم الخط

اليوم عيد البي يا بيي.. من هونيك، مطرح انت عايش بعالم الحق بقلك سامحني يابيي.

سامحني لأنك كنت تقلي ماتسرق، سمعت كلامك وبزمني اليوم اللي عميسرقوا صاروا بأعلى المراتب والنظاف مدعوسين تحت الارض وما حدا سامع فيهن او حاسس بوجعهن.

سامحني يا بيي لانك كنت تقلي ما تؤذي حدا لو نأذيت منو.. عمشوف اغلب العالم عمتؤذي بعضها والناس عمتزقفلها والمظلوم قاعد مع خيبتو.

سامحني يا بيي كنت تقلي تمسك بوطنك انا اتمسكت في يا بيي وعايش كأني مش عايش، ببلد خسر كل شي.

سامحني يا بيي كنت تحكيني عن لبنان كيف كان وقت كنتو صغار وكنت تقلي رح يصير احلى.. وانا اليوم عمشوف يابيي كيف صار لورا، فقد كل مقومات بقاءو، والكل ناطرين "شنطة سفر".

سامحني يا بيي بس كنت طفل صغير ما كنت اعرف قيمة اللي عمتعملوا، ما كنت قًدر تعبك وسهرك الليالي.. واليوم عمبشعر اديش انت ضحيت لما عشت اليوم باصعب زمن.

سامحني يا بيي يمكن اضطر ما امشي متل ما انت طلبت مني لأن العالم اليوم اختلف يابيي صار بكل بساطة شعارنا "ان لم تكن ذئبا اكلتك الذئاب".



أخبار ذات صلة

أزمة خبز في الهرمل والبقاع الشمالي
الرئيس اليمني: توجد تضحيات كبيرة لوضع حد لنقل التجربة الإيرانية [...]
الطبش: خرق الدستور يتم على يد من اؤتمن على حمايته