حبيبي مستر دولار، انت متل اي لبناني بتحب تضلك فوق عالقمة، طموح، أحلامك ما الها حدود، بس يا حبيبي انت بتعرف كل ما انت طلعت نحنا عمننزل لتحت تحت تحت.

حبيبي يا دولار، روق علينا شوي، انزل لعنا وشوفنا، الصرافين صرفوك، وفي ناس بسببك انصرفت من شغلها، كلو من فعل صرف يصرف تصرف.

نحنا منحب اللي بحلقوا عاليا، باستثنائك يا غالي، لأنك كل ما حلقت كل ما نحنا نحلقنا، من فعل حلق يحلق تحلق.

دولاري العزيز، لوين بدك توصل بعد، قد ما بعدت رح ترجع تقرب، رح تخرب بيوت كتير ناس، بس عمهلك شوي، سعر صرفك رح يرجع لحجمه، البالون مهما نفخوه رح يرجع ينفجر.

مستر دولار، تعللي وناجيلك، أرجوك عد إلينا.