بيروت - لبنان 2020/07/13 م الموافق 1441/11/22 هـ

ما تدقوا برغيف الخبز.. اللهما قد بلغنا

حجم الخط

اديش هوي صعب عليك بس تسمع انو أصحاب الأفران رح يرفعوا سعر ربطة الخبز، ويلي بتمس مباشرة الطبقات الفقيرة واللي أساسا مش عم تقدر تأمن حق ربطة خبز، ويمكن الناس اللي بعدها ميسورة شوي، رح تشعر وكأنو كرة النار قربت توصل لعندها.

واللي بيقهر وبحزن انو بعدن السياسيين عنا بلبنان عميتصرفوا وكأنوا "سمعان بالضيعة"، بيقنعونا انو عملوا 97 بالمية انجازات، فيما الوضع "عالأرض يا حكم".

نحنا منعرف انو اللي عمبصير اليوم تراكم لمرحلة قديمة،وما في مسؤولية عالحاكمين حاليا، بس اللي بقرر يتبرع تيطفي النار، لازم يفرجينا انو عمبطفيها، مش يقضي كل الوقت لسان حالو "مش انا اللي ولعت النار"، منعرف يا حبيبي مش انت اللي ولعتها، بس خلينا نطفيها وبعدين منحاسب.

ما تستغربوا بوقت قريب جدا اذا شفتوا مشهد مجنون بالشارع، بتعرفوا شو يعني يعجز الانسان عن شراء رغيف الخبز، اكيد مش رح يشوف اداموا، رح تعم الفوضى والناس تفوت ببعضها، بالوقت اللي الحل كتير سهل في مصاري انسرقت هيي حق الناس، حق خبز الناس، حق تعب الناس، حق وجع الناس، حق صبر الناس، ولازم ترجع للناس.

انتبهوا، اللي جايي كتير صعب.. اللهما قد بلغنا.



أخبار ذات صلة

دياب يبرق إلى ماكرون مهنئًا بالعيد الوطني الفرنسي
معلومات للـ LBCI: لجنة متابعة التدابير الوقائية من كورونا ستصدر [...]
برشلونة يأمل ببقاء ميسي ويطوي صفحة لاوتارو ونيمار