بيروت - لبنان 2021/04/11 م الموافق 1442/08/28 هـ

نص دزينة ستات... "بلا صيبة عين"

حجم الخط

"عملها" حسان دياب وأهدى الشعب اللبناني حكومة فيها نص دزينة ستات، ومش اي ست، ست يعني ست، وصرت بس تسمع انو عقد مجلس الوزراء جلسة له،في شي رح يشدك، ويخليك تتابع حتى النفس الأخير.

صارت جلسات مجلس الوزرا، كلها نعومة ودلع، صارت جلسات متل العسل، وهيي فرصة للوزرا الرجال حتى يثبتو حضورهن امام "الجنس الناعم"، وخود على تحدي، والله لتولع.

صارت كل صبية في لبنان، لسان حالها "الله من عندو يطعمني" وصير وزيرة، ومابقى فكرة "انك تصيري صاحبة المعالي"كتير كتير صعبة، كل شي صار ممكن، شوية رضا من هيدا الزعيم او من هيداك، ساعتها "بتفتحلك طاقة القدر" وبتصيري وزيرة، والعيون تلاحقك وتنطر شو رح بتصرحي، وشو برنامجك.

"6 صاحبات معالي جداد" دخلوا "نعيم الوزارة"، ويمكن يكون الحبل عالجرار، مين بيعرف بعد فترة يمكن يطرح البعض حكومة "التكنو نسائية" لحل مشاكلنا.

ختاما الف مبروك،عال "ست ستات"، على امل يجي يوم ويبطل طرح حقوق المرأة ومساوتها مع الرجل موجود، ويصير تحصيل حاصل.



أخبار ذات صلة

أ.ف.ب: وزير الخارجية الأميركي يحذر من "عواقب" في حال وقوع [...]
بلينكن لشبكة NBC: طالبان يمكن أن تحصل على دعم دولي [...]
بلينكن: عدم تعاون الصين في بداية جائحة كورونا جعل تفشّي [...]