بيروت - لبنان 2021/04/11 م الموافق 1442/08/28 هـ

يا فخامة الرئيس أين ومتى وكيف .. رح تعطونا الأجوبة؟

حجم الخط

كلنا نطرنا نسمع كلمة فخامة الرئيس اللي بدو يوجهها لـ "بقايا اللبنانية" اللي بعدن متأملين بهالبلد، كنا منتظرين من صاحب الفخامة انو يجاوب على اسئلة وجعنا وألمنا، واذ بنا نتفاجىء انو الرئيس عميطرح اسئلتنا، وعلى لحظة حسينا انو نحنا المسؤولين.

يا فخامة الرئيس، نحنا الناس العاديين اللي لازم نسأل، وانتوا عليكم طرح الأجوبة او اعطاء الحلول للمشاكل اللي عمنعيشها، او عالقليلي امنولنا فيزا تنغادر هيدا البلد.

يا فخامة الرئيس كتير اشيا من اللي ذكرتها مظبوطة، وهيي اسئلة كل مواطن، ولكن فخامتك مسؤول لازم يلاقي الحلول، كلنا اعتقدنا انو عهدك رح يكون غير كل العهود السابقة، صدمنا جميعا انو عمنعيش في أسوأمراحل تاريخ لبنان، ويمكن مش إنت وحدك السبب بس عالقليلي واحد من المسؤولين.

بقي من عهدك يا صاحب الفخامة سنتين، نأمل انو تنجحوا اعتبارا من الغد بتغيير الصورة، البلد مش رح يتحمل أكتر، لأن المواطن ما بيعرف اين ومتى وكيف رح تقوم قيامتو، ينتظر الحلول وليس الأسئلة.


أخبار ذات صلة

مقتل أكثر من 80 متظاهرا في ميانمار عى يد قوات [...]
"التيار" يرد على "القوات".. من مارس الإجرام لا يحق له [...]
صندوق النقد: من الصعب جداً مساعدة لبنان في غياب حكومة