يا قدس نحنا نايمين، ما حدا يفيقنا، تعبانين، طفرانين، مفلسين.

يا قدس، نحنا خايبين، ما معنا حق علبة سردين، هلكنا ارتفاع سعر البنزين.

يا قدس نحنا متيسين، مخدرين، معترين، مشحرين، طالعين، نازلين، ما منعرف مع مين ولمين.

يا قدس، نحنا مشلفطين، مقهورين، معذبين، محتارين نمشي  او نبقى واقفين.

يا قدس، عذرا لعندك مش جايين، اوعى تنطرينا، وماتصدق شعاراتنا وكذبنا.

يا قدس باختصار، نحن نائمون، ومش رح نفيق حتى لو دعسنا كميون.