بيروت - لبنان 2021/04/17 م الموافق 1442/09/05 هـ

يا لطيف يا لطيفة.. شوفي كيف صارت أحلامنا

حجم الخط

يا لطيفة عمتسأليني شو صاير ببلدك، يا لطيفة صار حلمنا تجي الكهربا، وحتى في حلم جديد انو صاحب "موتر الاشتراك" ما يطفيلنا الضو، ونبقى عالشمعة.

يا لطيفة صار حلمنا جواز سفر ياخدنا من جهنم الحمرا اللي عايشين فيها لأي بلد.

يا لطيفة صار حلمنا نسمع سياسي ما عمبقول انو متفائل ببوكرا، لأن كل ما تفائلوا كل ما اكلناها ورجعنا لورا.

يا لطيفة صار حلمنا اذا طلعنا بمصعد ما يوقف فينا وننزرب شي 10 ساعات، لأن ما حدا بيعرف بلبنان ايمتى بتنقطع الكهربا حتى وزير الكهربا نفسه.

يا لطيفة شو بدك بعد أكتر، ما خلص صرنا عمنعد الدقايق والساعات حتى الله يفرجها، بس بعدنا يا لطيفة ناطرين، دور مين ينتحر بعدين.

يا لطيفة، انتهينا راح لبنان.



أخبار ذات صلة

ضبط شاحنة محملة بالسكر المدعوم
إصابات يومية قياسية في تركيا عند 62.606 حالة جديدة بفيروس [...]
فرنسا: انخفاض أعداد مرضى كورونا بالعناية المركزة على مستوى البلاد