بيروت - لبنان 2021/04/11 م الموافق 1442/08/28 هـ

يا معالي الوزير.. خلصونا واسترونا وسامحونا

حجم الخط

مين قال انو مستعجلين، عمهلكن يا اصحاب المعالي، خدوا كل وقتكنوما تردوا عالدلوعين، بلدنا بالف خير، حتى اللي عمينتحروا كانوا عمبثلوا، الأسعار بالسوق بمتناول الجميع، المواطن عبصير في هجوم على بيتو حتى يفوت عالمستشفى ويعمل فحوصات.

بعدين شو هالكذبة انو ما في كهربا، اللمبة حتى بس نطفيها عمتضل مضواية، حنفية الماي بالبيت بتنًزل مياه طيلة 24 ساعة، مياه منعشة ومعدنية وعذباء.

وبالنسبة لسعر صرف الدولار، الناس هيي اللي عمتنصرف من شغلها مش الدولار، وبالنسبة لارتفاع سعر اللحمة، ما هالشي لصالح المواطن اللحمة بتضر خلي محافظ على رشاقته.

المدرسة والجامعة دايما بمتناول الأهل، بس قد ما عمتجيهن عروضات مميزة وبأسعار مناسبة عميحتاروا اي مدرسة يختاروا.

يا أصحاب المعالي، الفيل فيل بس بطير لما انتوا بدكن، انا مبارح شفتو عمبطير وحياتكن عالغالي، الله من عندو يخليلنا ياكن ويخليلنا سلتكن، بس ارجوكم خلينا نسافر لأن ما منستاهل ناس بقداستكن يحكمونا.. سامحونا.



أخبار ذات صلة

بلدية تحدد سعر كيلو لحم البقر المدعوم خلال رمضان
خير الدين لـmtv: على صندوق النقد الدوليّ أن يكون عنصر [...]
خير الدين لـmtv: الفساد مستشرٍ في أنحاء البلد كافّةً وعلى [...]