بيروت - لبنان 2021/04/17 م الموافق 1442/09/05 هـ

يخرب بيتك.. يا الموتور

حجم الخط

يخرب بيتك.. يا الموتور، بسموك مولد كهربائي، استعنا فيك لما تقنين الكهربا صار عادة ببلدنا، وقررت الكهربا انها ما تظبط وتضل مقطوعة الى أبد الأبدين.

رضينا بالتقنين والتقنين ما رضي فينا، واليوم لما اشتركنا بالمولد اعتقدنا انو هيدي نهاية العتمة، طلع عنا تقنين حتى باشتراك الموتور، وهالشي اثر على كل حدا شغله بدو كهربا، وخصوصي اللي عميشتغلو احيانا ببيتن.

بتبلش المشكلة لما صاحب الموتور يقرر يريحو شي ساعتين 3 واحيانا أكتر لأن الكهربا من الشركة ما عمتجي ولا ساعة، عندها بتتوقف لا اراديا عن الشغل، وبتبلش سلسلة اتصالات من أجل تبرير الوضع، من جهة بكون مديرك عميسأل وينك اختفيت، عليك إنك ترجع تشرحلو عن الواقع المرير للوصول الى احكام تخفيفية.

يخرب بيتك.. يا الموتور، اديش صعبة لما نسوان البناية يتجمعوا تيتابعوا المسلسل التركي الشهير عند مرتك لأن في اشتراك موتور، وفجأة وقت العرض يطفي الموتور وينتزع كل شي.

يخرب بيتك.. يا الموتور، ايمتى رح يرجع لبنان منور.. ايمتى يا الموتور.



أخبار ذات صلة

ضبط شاحنة محملة بالسكر المدعوم
إصابات يومية قياسية في تركيا عند 62.606 حالة جديدة بفيروس [...]
فرنسا: انخفاض أعداد مرضى كورونا بالعناية المركزة على مستوى البلاد