بيروت - لبنان 2021/04/17 م الموافق 1442/09/05 هـ

يكتر خيرك.. يا بتاع التعاميم

حجم الخط

كتير كتير كتير حلو، حاكم مصرف لبنان و(لبنان في أن معا) عم ببشر صغار المودعين، اللي باللبناني "جمعولن قرشين" انو رح يعطيهن مصرياتهن، ولكن بشروط، زقفة يا كبير، وزغلطي يا انشراح.

كل يوم في تعاميم جديدة، وكلن يعني كلن في نفس الإطار، منربح الناس جميلة من كيسها، منعطيها البديهي تنقول انو انجزنا.

يكتر خيرك "يا بتاع التعاميم"، شو فينا نقلك، وصلنا لزمن صار لازم نعتبر انو اللي بياخد حقه، هيدا انجاز، لأن اتعودعنا بهالبلد نضل مدعوسين، ونشوف الغلط ونسكت، ونقبل بالواقع متل ما هوي، واذا بدنا نثور، بيرجعوا "بسكرولنا تمنا بتعميم".

اخ منك يا بلد التعاميم، وشكرا يا سعادة الحاكم، انك اعطيت الناس حقهن البديهي، ويمكن ما فينا نقول اكتر من انو الله يبعتلنا شي فيزا تنترك هالبلد، ونعيش في بلد بيعترف بحقوق الانسان.

ويا بتاع التعاميم، كل تعميم وانت بخير.



أخبار ذات صلة

منسقية المستقبل في عكار: لقاحات كورونا للمسجلين عبر المنسقية
حان الآن موعد آذان المغرب حسب التوقيت المحلي لمدينة بيروت
«هبة الى المؤسسة العسكرية وللشعب اللبناني».. الجيش يتسلّم طائرتين مغربيتين [...]