بيروت - لبنان 2021/04/11 م الموافق 1442/08/28 هـ

13 نيسان.. كورونا مرت من هنا

حجم الخط

13 نيسان أهلا بهالطلة، بس اعذرينا مش رح نقول شعر ونكتب وجدانيات، لا رح نتذكر البوسطة ولا خطوط التماس، ولا حنكرم اللي راحوا برصاصة طايشة او بقصف عشوائي، ولا رح ننحني ادام المفقودين قسرا واللي اختفوا وما حدا عارف عنن شي، ولا للناس اللي اتعرضت لإعاقة بسببك.

يا 13 نيسان، هالمرة جيتي بزمن كورونا، كل همنا نخلص ونضهر من بيوتنا، نسلم عالدكنجي اللي بأخر الحي، ونصافح السنكري، وناخد اهلنا وكل اللي اشتقنالن بالأحضان.

جد يا 13 نيسان، انت طلعتي ارحم من كورونا، خليتينا نقرب من بعض، نحب بعض، حتى بوقت القصف كنا نمشي بالشارع ما نخاف القصف، اتعايشنا مع الحرب وعشنا فيها وصارت جزء من يومياتنا، اما بـ كورونا كل حدا فينا كان مهدد من "عطسة" لذلك حتى بقهرنا منك وحزننا عالاحباب اللي فقدناهن، كنت انت أرحم علينا.

اسمحيلنا هالسنة، عاجزين عن انو نتذكرك.. و13 نقطة عالسطر.


أخبار ذات صلة

بلدية تحدد سعر كيلو لحم البقر المدعوم خلال رمضان
خير الدين لـmtv: على صندوق النقد الدوليّ أن يكون عنصر [...]
خير الدين لـmtv: الفساد مستشرٍ في أنحاء البلد كافّةً وعلى [...]