"إسمع يا هذا، نحن نموت أو ننتصر"
"أنا مقتنع إنّو في تغيير بس قداي في تضحية؟ ما حدا بيعرف!".
"إلى أين السبيل يا وطني؟
كل هذه العبارات قالها علاء قبل الشهادة دون أن يدرك أنه في مسيرته نحو التغيير، يمشي على طريق الموت في سبيل الوطن وأنه هو الضحية.
واليوم، حمل رفاق دربه يافطات تحمل آراءه وعباراته هاتفين"ثورة" وذلك خلال المسيرة التي انطلقت من أمام المكتبة الوطنية في بعقلين وصولاً إلى مرج بعقلين.
وقال أحد المواطنين ل"اللواء": هذه المسيرة لأن ما في عنا شي وما في عنا دولة. صار عمرنا ٥٥ سنة لا عنا بيت ولا كرامة، بدنا كرامتنا" وأضاف" اذا بيي ما عمل شي وانا ما عملت شي لازم ولادنا يقدروا يعملوا وكلنا علاء بو فخر ودم كل واحد فينا دمه".
وأضاف آخر:"جينا لنأكد إنّو الثورة حق للمجتمعات كلها ويلّي عم يصير بالبلد ما عاد ينحمل واليوم يلي بدو يستلم مركز ويكون مسؤول دولة ورجل دولة بدو ينتبه إنّو في ناس عالأرض وفِي شهداء عم تسقط" وأردف" لأيمتى يعني؟ هالمسيرة تكملة ل ٢٧ يوم بالشارع واليوم علاء شهيد للوطن وشهيد للثورة، شو ناطر ما في حكومة بعد؟"
وقال أحدهم وعيناه تدمع" بيكفي إنّو أحد شموعنا الكبيرة انطفأت" وعلاء بو فخر شهيد وأضاف" استفزاز الناس من الرئيس ما فينا نقابله إلا بنظرة إستخفافية"
وأردف" قادرين نتجاوز هالمرحلة عن طريق حكومة مصغرة وحيادية من تكنوقراط واختصاصيين عندهم استعداد يكملوا المسيرة لأن بهيك قضاء صعبة الواحد يكمِّل وعلاء بو فخر فخر إلنا".
تجدر الإشارة إلى أن الطريق في الشوف مقفلة عند مفرق سرجبال حيث ستقام عند السابعة مساء إضاءة شموع عن روح الشهيد أبو فخر.
"الجرح كبير والآلام كبيرة لكن الأمل أكبر " عبارة كتبها شهيد الثورة على أحد مواقع التواصل الإجتماعية قبل رحيله، رحل علاء ويبقى الأمل.
المصدر: "اللواء"