بتكون انت عمتابع الاخبار وناطر بارقة أمل من هون وهونيك، فجأة بيطلعلك خبر انو تلك النجمة العالمية، معبودة الجماهير، ومعشوقة بيوت البشاوات، عرضت صورها بلا ماكياج، انو يعني شو بدك تقوليلنا "انا حلوي بلا ماكياج" يعني برايك بهالزمن بهم الناس هالخبر.
عن جد الفنان لازم يرتقي لمستوى انسانية بلدو، انت اللي بتمثلي او بتغني الهدف تقدمي اعمال فن لبلدك، بمكياج او بلا ماكياج.
كوكب الشرق ام كلثوم بعمرها ما استعرضت ماكياجها، ويمكن ما حطت ماكياج، ومابتعرف شو يعني ماكياج، وقدمت اعمال للوطن العربي لازالت حتى اليوم.
يمكن الماكياج المطلوب منكن يااهل الفن اليوم، "ماكياج الاخلاق وحس التعامل"، "ماكياج الوطنية والشعور مع بلدكن بالمحن اللي مارق فيها.
عن جد بوطننا مش بس المشكلة برجال السياسة واعمالن، كمان في مشكلة بالوسط الفني، مشكلة كبيرة وللحديث تتمة.