هذه خواطر من واقع الأحداث الحاليّة، منها الجدّي، ومنها ما ينطبق عليه القول «شرّ البلية ما يُضحك»:
السؤال الأساس
بمناسبة وصول سعر الدولار إلى ١٠ الاف ليرة وقريباً رح يصير السعر على قدّ مساحة لبنان، أو بيصير سعر لبنان على قد سعر الدولار!
بس السؤال الأساس المطروح قدّيش سعر الانسان بلبنان؟!
خواطر
- ضربني وبكى وسبقني واشتكى: عون يسأل ليش طلع الدولار!؟
- مُعيب للغاية: الناس في أزمة خانقة، وهناك من يستغلّ ظروفهم حتى آخر قرش في جيبهم!
- وداعاً للتمديد... ووداعاً للتوريث!
- شو رح يصير بشعار بشير الجميّل إذا أضيفت إلى مساحة لبنان المساحة المُتنازع عليها مع العدو الصهيوني؟!
- سرقة رغيف بسبب الجوع جريمة لا تُغتفر ... ونهب شعب بأكمله مسألة فيها نظر!
- رسالة خاصة إلى نمّام حقود: أنا فائق الثراء بمحبة أهلي والناس.
- أجرُ اللبناني أدنى من أجرِ العاملة في منزله!
- يقولون «الحقّ ما بيموت»! ربما ... لكن إذا رجع الحقّ بعد 50 أو مية أو ألف سنة شو بيكون؟
- لن ننسى مجزرة بيروت في الساعة السادسة وثماني دقائق مساء يوم الثلاثاء 4 آب 2020.