حوار الطرشان.. يعني ما حدا عم يسمع حدا.. وكل واحد عم يقول اللي بدو ياه.. ما في قضية واحدة.. وما في لغة واحدة.. وما في رغبة إنو نقنع بعض.. أو نسمع بعض.. كل واحد جاييبخطابو.. وبحقيقتو.. وبقناعتو.. ومقتنع إنو هو الوحيد اللي فاهم كل شي.. من زمان كنت أسمع هالمثل.. وأقول متل غيري هيدا حوار طرشان.. بس اليوم حسيت إني فهمتو عن جد..
حوار طرشان.. يا لبنان.. ومن زمان نحنا مش عم نحكي مع بعض.. نحنا كلنا عم نحكي مع حالنا.. بالبرلمان حوار طرشان.. بالسياسة حوار طرشان.. وبالإعلام والجامعات والنقابات حوار طرشان.. وعلى الشاشات والمنابر حوار طرشان.. كل واحد عم يقول اللي بدو ياه.. وما حدا عم يسمع حدا.. ومن حرب لحرب.. ومن أزمة لأزمة.. ومن فقر لفقر.. ومن كذبة لكذبة.. وكل مرة منسأل.. كيفصار اللي صار.. والجواب بسيط.. لأنو ما حدا كان عم يسمع حدا..
ولما ما منسمع.. كمان ما منشوف.. كل واحد بيشوف متل ما بدو.. وبيقرأ متل ما بدو.. وبيفهم متل ما بدو.. وحوار الطرشان.. انو نحكي كثير.. ونكتب كثير.. ونحلل كثير.. ونقنع حالنا إنو فهمنا كل شي.. والحقيقة أبسط بكتير.. ما حدا عم يسمع حدا..
كل شي عم ينهار.. الدولة.. والاقتصاد.. والثقة بين الناس.. لأنوالبلد اللي أهلو ما بيسمعوا بعضن.. ما بيقدروا يبنوا بلد سوا.. المشكلة إنو حوار الطرشان بلبنان.. صار طريقة حياة.. صرنا نختلف بلا ما نسمع.. ونتقاتل بلا ما نعرف ليش.. لبنان السياسة.. ولبنان الطوائف.. ولبنان الإعلام.. ولبنان المناطق.. الحقيقة المؤلمة إنو لبنان ما عاد بلد واحد.. صار أكتر من لبنان.. وكل لبناني عم يحكي مع لبنانو..
وبعد كل هالسنين.. عم نعيد نفس الحروب.. ونعيش نفس الأزمات.. ونغرق بنفس الانقسامات.. وما في بلد ممكن يعيش.. إذا أهلو ما بيسمعوا بعضن.. ويمكن تايرجع لبنان.. لازم نحكي بلغة واحدة.. ولازم ما نستحي انو نعترف بالغلط.. اللي ارتكبنا بحق وطنا واجيالنا.. ونبطل نتفلسف على بعضنا.. ونتواضع ونسمع ونشوف ونتأمل.. ولازم كل لبنان يسمع.. ولازم يوقف.. حوار الطرشان.. يا لبنان..
2