حملت محفظة
فارغة..
ملآنة باصوات وصراخ المودعين
وحسرة الشعب…
واحاسيس تنادي مشاعر
وشو كمان…
يتعبها الاحساس
سنوات ست وما حدا قدر او قادر يحل او ما بدو ببساطة
لكي لا يكشف المستور
والمخفي اعظم..
سرقة المودعين أقل من جنحة هنا ..في مفهوم الدولة..
غلطة او هفوة لا يعاقب عليها القانون..
ومين بدو يحاسبنا..
حتى ما حدا طلع على باله يعمل مؤتمر صحافي وطني
إذا ما بدو يخبر كيف وليش..
من ابسط مبادىء الاخلاق يواسي الشعب …ويخبرهم ولو وشوشة
ويسأل لجنة رقابة…
وشو نفع البحث بقانون انتخاب
يعيد لنا ذات الاشخاص…
اشخاص همهم المهاترات
أنا قوي أنا اقوى منك..
والشعب يستنجد لإعادة الحق
والفاسد يسود…
كيف انسرق الشعب…
حسب الرواية الرسمية
طلع الحق على الشعب..
هو طلب ينسرق…
هيك بخبركم..
قرر ان يثق بالمصارف ويضع امواله .. جنى العمر وتعويضات نهاية الخدمة وتعب الايام..
وينام ..مطبقاً ما يروى ان القرش الابيض لليوم الاسود..
ليستيقظ على سرقة العمر..
وسواد الايام قبل الليالي..
والواجب عليه ان يصمت ولا يطالب بحقه..
إذا مرض يتخبى تحت الغطاء
محرور او بردان…
واذا مشي على الطريق..
فرصة !!مديون لن يسرق..!!!
مع مناشدة المسؤول
يا مودع إذا كنت شاطر
وسحبت اموالك ووضعتهم في البيت..
تعى وحطهم في المصرف
مصرفك الذي يخاف عليك
لينطلق.. عليك ان تدعمه…
فنحن نخاف عليك من سرقتك في البيت..
عفواً شوي استيحاء..
لجنة ولجان..
واللجان مقبرة المشاريع كما يقال..
فكيف ايجاد الحلول..
اتصلت بي في صبيحة احد الايام وقالت لي شو بدي أنا بالسندات
او الأسهم ..لأقبضهم انا سنة ٢٠٤٠ او ٢٠٥٠..
اساساً الله اعلم وين بكون..
ضحكت الايام…
وبكي الزمان والعمر يسرق في الحاضر والمستقبل ..وفي كل اوان..
شو عم يضحكوا عليي..
قلت لها ولماذا أنا من سيجيب
اسألي المسؤول…
فهناك لجان تخطط..
يقال حسب الخطة..
سيعاد مئة الف ومثلها سحبت بتعاميم
عمياء..
ضحكت ألماً وقالت يا ويلي وين بدي خبيهم…
والحرامي سيد الزمان..
أما إذا المواطن الجبان المتذاكي
قرر خوفاً من مصير البلد المجهول
ان يحول امواله اللبنانية إلى دولار بعد الثورة في سنة ٢٠١٩..
اذن هو مواطن غير مؤهل لا يحق له المئة ألف إلا على سعر دولار مختلف..
يا دولة ليش بدنا نحاسب مواطن حريص وصريح وفكر…
وليش بدنا نعاقب مواطن ما عاد قادر يثق بالعملة اللبنانية
وطلع معه حق لان الدولار اكل وبلع الليرة…
بأي حق يسرق مرتين…
مرة لانه وثق بالمصرف
ومرة لانه خاف وهذا حقه ان يحافظ على امواله
لو بقيت امواله باللبناني..
لخجلت هي وافتخر الدولار..
يعني لما سنحاسب المودع
ونترك المصرف المسؤول
مدد يا بلد مدد..
يا بلد فلتان !!وعم تلاقي حلول عبثية..
وما يهم فالهم كبير
والطبقات عليانة…..
حسب السرقات والمناطق
وكله عايش ما عدا المسروق الفقير…
اذن كيف سرق الشعب اللبناني …غير السرقةالوقحة بين الدولة والمصارف بإشراف مصرف لبنان..
وتراخي…
سرق الشعب اللبناني ليس فقط من الودائع بل كل يوم ولحظة..
عند شراء من سوبر ماركت
وكل سوبر ماركت اغلى من الآخر
وما عجبك غيرك يشتري
وقصور تبنى من لقمة الشعب..
سرق من كل من تطلب منه خدمة ويسعر على ذوقه وحسب منطقة السكن..
سرق من كل طبيب…
له تسعيرة مخيفة تجعل المريض المنكوب يشتري
دواء بلا وصفة طبية..
سرق من كل جواب يقول لك هذا رخيص اشتري وهو يكون بائع موظف اي وسيط بين حوت وسمكة..
سرق من المطاعم التي تنادي المظاهر..
سرق من كل مسؤول لم يفكر ولا لحظة يحاسب حرامي كبير…
شو بدنا بالتعيينات..
شو بدنا بتعديل قانون انتخاب..
بدنا تعقد جلسة حكومية على مدى ايام متواصلة يستعان بعقول مصرفية نظيفة تضع خطة..
لإنقاذ المودع الساكت المهموم…
اوه انني احلم اكيد
برجع بقول لو مليون قال لي في أمل..
يتصلح البلد..
والمسؤول يحافظ على الامانة
اقول انه ..لا..
وألف لا ما في امل..
لان ما في خطة او خطط ..في لجان..
ما في جلسات انما حرد..
ما في شي..
إلا الانتظار
حتى الانتظار هو سرقة عمر وايام…
حملت محفظة فارغة ملأتها احساس خائنة…
زعلها طول على ناس
تدور حول مكانها..
بيجي رئيس بروح رئيس
والمشكلة بتكبر…
والعمر .. لن ينتظر الحلول
الناس تعبت
والطرقات ضجرت
والعناوين بهتت…
يا بلد…
فتحت محفظتها
رمت … مشاعر …تخفي وراءها كل الاحاسيس
سمعت …ولم تكتفي
فالحزن عميق وسع العمر..