وكل حدا صار فاتح اكسبرس وعربيات فواكه وخضار وعصير ومحتلين الأرصفة والطرقات غصب عن أهل المنطقة..!!
الاكسبرس المقابل لمدخل جامعة بيروت العربية. فتح اكسبرس متر ونص بمتر وما بعرف كيف.. هلا صار محتل كل الرصيف.. بضاعة وتجارة وكراسي وغيرو.. مين يلي عم يستفيد على ضهر أهل بيروت؟؟؟
هيدا الرصيف المحتل ومساحتو المفروض اذا بدها تاجرو البلدية اجارو على المتر الواحد مش أقل من 15 ألف دولار بالشهر. هني ما شاء الله كل الرصيف وبضاعة بتنزل بالطبليات حاجزة الأرصفة..
هول شوارعنا وأملاك عامة.. كيف هيك ؟؟؟؟
مين هالحرامي الكبير يلي عم يتقاسم الحصص..!!
مقابل عصير الهواري فتحت بسطة كبيرة احتلت الشارع فيها اكتر من عربية موصولين ببعضهم وكل كم يوم بيتمددو.. من هالحرامي يلي سامح بهيك وعم يتقاسم اموالنا من الأملاك العامة.
مقابل جامع الإمام علي (كرّم الله وجهه) عربيات موصلين ببعضها لبيع الفواكه محتل الطريق العام ومش بس هيك كمان محتل علبة التلفون وحاطط فيها بضاعة.. مين هالحرامي يلي عم يحمي هيك قصص ويسرق من أموال أهل طريق الجديدة. هيدا منو استرزاق هيدا نهب أموال أملاك عامة..
محل العصير يلي فتح من أقل من سنة قرب عصير السلام.. حجز الرصيف وحجز الطريق حاطط مكنات العصير وكل العدة برا اخد كل الرصيف وكل الطريق مممنوع حدا يصف حاطط حضرتو صحاحير العصير بالجملة ممنوع حدا يصف تحت ببتو وممنوع حدا يمر من الرصيف .. مين هالحرامي يلي سامحلو..؟؟ وعم يقبض على ضهر أهل طريق الجديدة؟؟
بيقولولو الناس بدهم بصفو بيفتحو نيعهم الشغيلة السوريون وببهدلو الناس.. بيقولولهم بدهم تشكو عليه.. بيقولوا للناس يلي ببطلع بايدكم يطلع باجركم .. شو هالمستوى هيدا..؟؟؟
الدنا اول شارع صبرا رصيف الشمال محجوز كلو ممنوع حدا بمرق كلو ستاندات تياب عاملين الرصيف محل لبيع الثياب..!!
هيدي عينة فقط وليس كل شيء..!! للائحة تطول!!
وين المخفر وين بلدية وين وزارة الاقتصاد؟...
مين هالحرامية يلي عم يبلعو مصاري كتير لحتى يخلو كم أزعر بتطاولو على الأملاك العامة.. صرنا متل أيام الحرب بسطات ومين بركب بسطتو بالأول..
قوى الأمن لازم تتحرك والبلدية.. غير هيك يعني انتو اول ناس عم تقبضو وتعبو جياب..
وإذا كان حجز الشوارع والأرصفة مسموح!!! لكن انا بنت طريق الجديدة ومن مؤسسي طريق الجديدة الأبدى أنا أحجز الشوارع والأرصفة وأعمل بسطات وشغل فيها ناس!!
مش ناس جلب على طريق الجديدة عاملينلي فيها متل الصها.. ينة. زعران وجية وقلعاط..
هيدا منو استرزاق هيدي عمليات احتلال ونهب لاملاك اهل بيروت..!!! مافي رجال تتحرك ؟؟
رولا حوري