عاصي الحلاني يطلق "صرخة غضب" بوجه السلطة... ماذا قال!؟

فجر فارس الغناء العربي عاصي الحلاني غضبه من الاوضاع في لبنان وذلك بعد تدهور موضوع تأليف الحكومة اللبنانية منذ عدة اشهر وتداعيات الوضع المأزوم على النواحي الاجتماعية كافة ما ترك اثراً على المواطن اللبناني وضرباً لقاطات الخدمات.

فغرد ساخراً: "بين التعطيل والتطنيش والتأليف والتلفيف العالم رح تموت بدا رغيفففف من فرن ابو عفيف .. والمشكلة ما عاد في لا كبير ولا صغير وكيف بدو هالبلد يقوم من البير والعتم الطويل.. لأن الكهربة يوم معنا ويومين علينا والمحارق رح تحروق ايدينا او منحروق زبالة بالشارع".

وتابع غاضباً: "ضعتوا وضيعتونا كنا ناطرين الحكومة الحكومة راحت ولحكومة رجعت ولهق ما في حكومة تهتملي بهمومي الهيئة صارت مرحومة.. وكيف بدو هالبلد يمشي اذا كل شعب هالبد مضروب ومكرسح متل هالبلد مش عم يقدر يوقف ويمشي .. لازم تسرعوا اذا صار في عنا حكومة وجبنا فيول واجت الكهربة بدكن مين يقدر يزقف".

واضاف ساخطاً: "يوقف ويزقفلكم ما الكل مكرسح .. حيرتونا وجننتونا والعنتو الجابونا يوم مصالحين ويوم زعلانين انتو مين ومن وين جاين وكيف مركبين حتى وعتونا ونطرطونا وعالوعد يا كمون عيشتونا كل هالسنين..
ولك الله يساعدنا عليكم والله ياخد بايديكم ما انتو اصحاب البلد ولألكم عم ربي الولد حتى يعمل حارس".

وختم: " ويالعٌن ابو المدارس ويمكن بشي رصاصة بيموت اذا بيدوبل عن وزير وكان سهيان وداعس.. لازم تنحل القصة ونحنا هلق بنصة لازم يمروق نص التاني حتى يصير عنا بلد.. انا قلت النص التاني حتى يتأكدوا بعد مره ما حدا بيلغي التاني لأن الواحد صعب يصر تنين #لبنان_واحد🇱🇧 مابيصير تنين ".