خبر مفجع يعطل احتراف اللبناني حنيني..
وأوضح اللاعب عبر حسابه في وسيلة التواصل الإجتماعي فيس بوك قائلا :" الحمدلله قدر الله وما شاء فعل ما كتملت خطوة الاحتراف يلي دايما حلمت فيها بسبب الاصابة يلي تعرضت الها في لبنان ويلي عم عاني اوجاع منها مع انو قبل مسافر، عالجتها حوالي الاسبوعين ونتيجة لتأخر عقد الاعارة والاوراق بدأت بالتمارين من دون التوقيع ولكن الفريق العماني لاحظ اني عم اعرج شوي خلال تمرين وانو عندي اصابة بالكاحل فعملي فحص اشعة وتبين عندي فراغ صغير بين العظمتين وبيحتاج لعلاج وتقوية للعضلات واربطة الكاحل، وبالتالي خاف الفريق العماني تتفاقم الاصابة وطلبوا مني انو ابقى بعد اسبوع كرمال اتمرن وألعب معهم مباراة ويشوفوا اذا بقدر ألعب بشكل طبيعي قبل التوقيع، وهيدا شي يلي رفضتوا بناء على الاتفاق المبني بيني وبين الفريق ووكيل الاعمال انو وقع مباشرة بعد وصول عقد الاعارة ويلي وصل يوم الخميس، وكرمال هالشي قررت ارجع ع بلدي مع انو كان قرار صعب كتير عليي لانو حلم الاحتراف هو هدفي من انا وصغير، بس يمكن الله كاتبلي لخير بشي افضل لمستقبلي، على امل انو اتعالج من هيدي الاصابة وارجع بشكل سريع للملاعب ولكرة القدم".
