هربت بين النسمات
نادت لها الوردات..
مسكت ضحكة مخفية
وشو مخبى ما حدا عارف
سندرس .. سنبحث..
وربما نقرر
والشعب غريب امره…
عارف ومش مصدق…
والدولة خايفة تفتح على حالها ابواب مغلقة..
والمصاري بح لا معلقين ولا موجودين…
قررت ولم تنفذ
ناطرة ومش محتارة
فالمكتوب من عنوانه يقرأ…قبل ان تنهمر علينا المناظرات في بث مباشر..
والكل بريء صاحب ضحكة او نرفزة مصطنعة .. ومين بدو يحارب مين بحرب اهلية
وقودها الشعب البريء…
كلمات مضحكة.. تعالج وضع مبكي
بقراءات مشوشة
وهمهمات علنية
والكل ناطر الكل…
لينبش في الماضي
ونحن للأسف نعيش الماضي..
ان لم يكن بالوجوه فبالعقلية..…
كل يريد ان نراه..لثلاث ايام .. وهو لا يرى الشعب ولو بالمنام…
ولا يعترف بحقوق مهدورة
ضجرت منها الحناجر وكتابة الجدران
وما حدا شايف القهر سوى المقهور..
والفقر ليس عيباً
انما المعيب سبب الفقر..
والكل عارف وين راحت المصاري ما عدا صاحب المصاري..
بكل جدية تساءلت..
اي موزانة ستخبىء قهر العسكر واهل العسكر
وكرامة العسكر
وحقوق المتقاعدين…
اي موزانة ستعيد لنا الاستقرار
وتأمين الشيخوخة بعد هدر العمر..
وضعت .. خبأت.. لملمت الاحزان..
سألت اكثر من واحدة
ما اسمها الممرضة التي انهار عليها البناء .. في طرابلس
خجل العمر ما حدا عرف اسمها…
اليسار..يا زهرة كانون .. عشتي بالفقر والكرامة..
ومن عرفك سوى القليل
مثلك..
وعندما وقع القدر
الكل عرفك ..حتى اهل السياسة
والبعض تباكى
والبعض رأى ذاته ..هو ..ما حدا بيعرف
فالبلد مهزوز قبل الأبنية
والبشر في حيرة تفتش عن بشارة..
سألت ذاتها لما البلد مندور
على الفقر.. على العنف …على سوء الفهم ورمي القرارات .. على بدنا وما فينا…
اهي سوء تربية ام خوف اوادم..
ام بعزقة اخلاق..
اطل وجهه على شاشة التلفاز مبسوط وعم يحكي هو وكثير
مصدقين حالهم..
ابتسامة!!! مع مأساة شعب ما بتظبط…
يا ضيعان الكرامة امام فقر الاخلاق…
مسكت البوصلة والى مكانها در
بحثت في بنود موازنة ما حدا عارف شو هي..
كل يريد ارضاء.. والحقيقة بعيدة عن الرضى
شو بشع العطاء امام بخل التقدير…
شو بشع التمسك بالحق امام سلب الحقوق…
والبعض يعتقد انه فاعل خير
عفواً..
الشعب فاعل خير بقبول السكوت وعدم المحاسبة..
يوم ويومين وثلاث…
ينتهي إقرار الموازنة وما حدا فهم شي وامس مساء بعد الدوام
تم التصديق على الموازنة وتأجيل البحث في النظر بحقوق الناطرين في الشوارع..
وهم ليسوا متسولين..
نظرت إلى الوراء .. سنوات هم عارفين لوين
ونحن مش عارفين…
…واين زواريب الهدر رايحة..
والسرقة طبقات…
واللقمة من فم الفقير منهوبة…
والحياة من جسد اليسار
وغيرها وقبلها الكثير ضايعة…
يأتي النهار مثقلاً…
كله متداخل…
يأتي الليل مفتح عينية…
والقلب يسأل الاحساس..
نام بدون ان تحلم..
فالأحلام تجسيد الواقع
والواقع في لبنان في هريان..
شو صعبة تكره حدا وانت صاحب القلب الأبيض..
لا تعرفه شخصياً…
انما تعرف افعاله وقرارته…
وترفض وجوده في ادارة تهدم ولا تبني …وهم كثر
ومن يكرههم اكثر…
موزانة بدون توازن
والبلد مهزوز
والكل يسمع بدون ان يصغي
حتى من يعتصم يعرف انه لا امل
بإعطاء الحق
والعطاء في هذا البلد تمنين..
ولكنه يكابر ليحافظ على كرامته
امام جملة شهيرة منذ وجود الاجداد
لا تحملونا اخطاء من مر قبلنا وحكم البلد…
عن جد فرفح قلبنا..
صرنا مليون سنة وما حدا فهمنا…
فقل لي كيف المتهم بدو يعطي حق البريء والمظلوم..
اليسار.. يخجل الضمير امام رثائك
بفقرك لم يعرفوك.
بموتك الكل تبارى بالرثاء…
رحلت وتركت وطناً مسؤوليه
فقيري الضمير…
اليسار انت وكل من رحل…
بانفجار .. باغتيال سياسي..
بعدوان…
بانهيار بناء…
ناطرة ونطروا ورحلوا…
اعادة بناء نفوس واخلاق قبل
سقف وحجر…
موازنة بلا توازن..
موزانة لن تعيد حق المقهورين..
بل ستزيد شعور الخذلان
فالشعب بلا معين…
موازنة بلا توازن…
تميل نحو الاهمال..
كيف باستطاعة مسؤول ان ينام
والعسكر حماة الوطن على الطرقات
الأساتذة معلمي الاجيال في اعتصام
مساعدي القضاة وموظفي القطاع العام…
وشوي القضاة…
مين ما اعتصم…
..يلي سرق ونهب..
دولة تظلم اصحاب الحماية
ونشر التربية
ليست دولة…
الله يكون معك يا وطن…