آخ يا لبنان.. شو قلبك قاسي.. لا بتعرف تحب.. ولا بتعرف تواسي.. ومن لبنان الصغير ولبنان الكبير.. ولادك وأحفادك.. عالمشانق معلقين.. وعالمفارق مقتولين.. ومن المجاعة مهاجرين.. ومن المجازر مهجرين.. آخ يا لبنان.. شو قلبك قاسي.. وشو تمنيت أنيسامحك.. وأحضنك.. قبل ما فارقك.. وكتار كتير.. اللي حبوك.. وشربوا المر من قساوتك.. شو بدنا ننسى تا ننسى.. وكل ايامنا معك.. يا لبنان.. وجع بوجع.. وحقد بحقد.. وخفة ومهزلة.. شو صعب يا لبنان.. اللي عملتو بولادك واحبابك..
آخ يا لبنان.. شو صعبة الدني.. مع سقوط الهيبة.. وضياع السيادة.. وتجريح الكرامة.. وموت الهوية.. ما بيشبه أي موت.. والعنجهية اللبنانية.. صارت وباء.. وما الها دوا.. آخ يا لبنان.. شو بدنا نحكي تا نحكي.. عن جنونك.. وعن فنونك.. وعن الفتن والمجاعات والحروب وخطوط التماس والاغتيالات والاحتلالات والوصايات.. آخ يا لبنان.. ما اظلمك.. وما أظلمنا معك.. شو بدناننسى تا ننسى.. وشو شفنا.. وشو ما شفنا.. وشو بدنا نحكي تا نحكي.. عن الوطن والدولة.. والناس والزعماء والطوائف.. وعن وعنوعن.. ويكمن أحسن ما نحكي.. ما حدا بدو يسمع.. وما حدا بدو يحكي..
آخ يا لبنان.. شو قلبك قاسي.. لا بتعرف تحب.. ولا بتعرف تواسي.. مبارح قبل ما نام.. حلمت البلد عمران.. والدني مضواية..والناس من كتر الفرح سهرانة.. مبارح راح.. والحلم راح.. وكوابيسالنزوح والبرد والجوع والأحزان.. بتضيع الاحلام.. وبتضيعالأوطان.. وشو كتير هاللي ضاع.. يا لبنان.. وما بقي بالبال.. غير اليأس بالوجدان.. بيقلب المواجع.. آخ يا لبنان.. شو قلبك قاسي..نسيتني ناسي.. نسيتني حالي.. نسيتني حبابي.. اللي حبيتهنمن كل قلبي.. واحساسي.. كذاب كبير يا لبنان.. وعلمتني كذب على حالي.. آخ.. يا لبنان.. شو قلبك قاسي..